ក្មេងជំទង់ដែលប្រើស្មាតហ្វូនប្រព្រឹត្តសិចកាន់តែច្រើនព្រោះពួកគេមានឱកាសចូលអ៊ីនធឺណេតកាន់តែច្រើន
ក្រុមអ្នកស្រាវជ្រាវមកពីសាកលវិទ្យាល័យសោធើន កាលីហ្វ័រញ៉ា (University of Southern California) បាននិយាយថា អ្នកដែលមានស្មាតហ្វូន ក៏ទំនងជានឹងសកម្មខាងផ្លូវភេទជាទូទៅ និងទំនង កាន់តែអាចនិយាយបានថា ពួកគេឈ្មុសឈ្មុលដើម្បីរកមើលសិចតាមអនឡាញផងដែរ។
ការសិក្សានេះត្រូវបានធ្វើបទបង្ហាញនៅកិច្ចប្រជុំប្រចាំឆ្នាំរបស់សមាគមសុខភាពសាធារណៈរបស់អាមេរិក។ អ្នកស្រាវជ្រាវលោក Eric Rice មកពីសាលាជំនាញកិច្ចការសង្គមរបស់សាកលវិទ្យាល័យខាងលើ បាននិយាយថា បើទោះបីជាស្មាតហ្វូនមិនបានបង្កឲ្យក្មេងជំទង់ចូលរួមក្នុងឥរិយាបទផ្លូវភេទប្រកបដោយគ្រោះថ្នាក់ដោយផ្ទាល់ក៏ដោយ ក៏ពួកគេបានប្រព្រឹត្តវាបានយ៉ាងងាយស្រួលបាត់ទៅហើយ។
លោក Rice បាននិយាយថា "វាគឺជាឧបករណ៍មួយដែលឥរិយាបទប្រភេទនេះអាចកើតឡើងបានតាមរយៈវា" ។ លោក Rice និយាយថា ខណៈដែលឪពុកម្តាយបានរិះរកយុទ្ធសាស្ត្រដើម្បីត្រួតពិនិត្យឥរិយាបទកូនៗរបស់ខ្លួនតាមអនឡាញ ពួកគេក៏ត្រូវតែយកចិត្តទុកដាក់ផងដែរចំពោះការប្រើប្រាស់អ៊ីនធឺណេតដែលផ្តល់ដោយស្មាតហ្វូន។
លោកនិយាយថា "ខ្ញុំមិនបានដឹងថាយើងបានគិតពិចារណាច្បាស់លាស់ហើយឬនៅថាតើវាមានន័យអ្វីទៅដែលក្មេងជំទង់មានអ៊ីនធឺណេតនៅលើទូរស័ព្ទរបស់ខ្លួន ២៤ ម៉ោងក្នុងមួយថ្ងៃនោះ"។
លោក Rice បាននិយាយថា កម្មវិធីអប់រំផ្លូវភេទគួរតែចាប់ផ្តើមដើម្បីដាក់បញ្ចូលការពិភាក្សាពាក់ព័ន្ធហានិភ័យក្នុងការស្វែងរកសិចតាមអនឡាញ ។ ជាងនេះទៅទៀត ឪពុកម្តាយគួរតែប្រប្រាស់កម្មវិធីនេះជាឱកាសមួយដើម្បីចាប់ផ្តើមការពិភាក្សាមួយជាមួយកូនជំទង់របស់ខ្លួនអំពីសុខភាពផ្លូវភេទ និងការប្រើប្រាស់បច្ចេកវិទ្យា៕ S
From CEN
0 comments:
Post a Comment